(ВИДЕО) Двајца гардисти колабираа пред Макрон во Елисејската палата
Двајцата гардисти беа тргнати од местото на настанот; причините за нивното паѓање, како и нивната моментална здравствена состојба, сè уште не се објавени.
A member of the French honour guard collapsed during Slovak President Peter Pellegrini’s arrival at the Elysee Palace in Paris.
French President Emmanuel Macron and palace staff rushed to assist the fallen guard before he was carried away. https://t.co/eqTdgvbqb8
— Al Jazeera English (@AJEnglish) November 12, 2026
На снимката се гледа како првиот гардист почнува да се ниша, ја спушта сабјата, а потоа паѓа на земја. Макрон и другите присутни се упатија кон него за да му помогнат.
По кратка пауза, францускиот претседател продолжи со протоколарните активности и го пречека Петер Пелегрини на влезот во палатата.
Во тој момент, втор гардист – кој стоеше на спротивната страна – исто така падна. На снимката се слуша звукот од неговата сабја како удира од земјата, а делумно се гледа и реакцијата на Макрон.
„Што по ѓаволите се случува?“ – извикува еден маж чиј глас се слуша на видеото, како што пренесува „Ле Паризиен“.
Другите гардисти останаа мирно со исукани сабји, како ништо да не се случило.
Вработените во Елисејската палата интервенираа и ги оддалечија двајцата гардисти од просторот каде што се одвиваше официјалниот пречек. До моментот на објавување на веста, немаше официјално соопштение за нивната здравствена состојба или за причината поради која ја изгубиле рамнотежата.
По инцидентот, средбата меѓу Макрон и Пелегрини продолжи според планираното.
Словачкиот претседател престојува во Франција на официјални разговори. Двајцата шефови на држави разговараа за стратешкото партнерство меѓу двете земји и за актуелните европски прашања – проширувањето на Европската унија, војната во Украина и енергетската безбедност
