(ВИДЕО) Немири во Хаг и во Косово по пресудата за поранешните водачи на ОВК
Немири денеска се случија пред зградата на ЕУЛЕКС во Косово, како и пред зградата на Специјализираниот совет во Хаг по изрекувањето на пресудата за поранешните водачи на Ослободителната војска на Косово (ОВК).
#Kosovo Albanian rioters causing violence in the Hague after former terrorist UÇK leader @HashimThaciRKS sentenced to 25 years in prison for war crimes, together with 3 other Kosovo Albanian leaders, in the strongest rebuke of Kosovo’s “independence” to date. The truth always comes out, no matter how violently one tries to suppress it.
— Boris Malagurski (@malagurski) September 16, 2026
Неколку лица се уапсени за време на овие немири.
Покрај Хашим Тачи, кого Специјализираниот совет на Хаг го осуди на 25 години затвор, повеќегодишни затворски казни им се изречени и на останатите тројца поранешни водачи на ОВК – Јакуп Красниќи, Реџеп Селими и Кадри Весели. Тие се прогласени за виновни за воени злосторства извршени за време на војната во Косово.
Според приштинскиот портал „Индексонлајн“, по изрекувањето на пресудата демонстранти се упатиле кон зградата на ЕУЛЕКС, која ја обезбедувале припадници на специјалните единици на косовската полиција.
Според снимките објавени од порталот, дел од насобраните фрлале шишиња кон полицијата и објектот.
Дошло и до туркање меѓу демонстрантите и полицајците, при што насобраните барале припадниците на полицијата да се оддалечат од зградата. Ситуацијата набргу потоа се смирила.
Во Глоговац, маскирани лица со знамиња на таканаречената ОВК се собрале на бензинска пумпа по изрекувањето на пресудата во Хаг.
Немири имаше и пред зградата на Специјализираниот совет во Хаг. Според извештаи и снимки објавени на социјалните мрежи, неколку лица се качиле на полициски возила и ги удирале, по што полицијата употребила водени топови за да ја растера толпата.
Хашим Тачи и Јакуп Красниќи добија затворски казни од по 25 години, Кадри Весели е осуден на 18 години затвор, а Реџеп Селими доби казна затвор од 13 години. Специјализираниот совет на Хаг успеал да утврди дека четворицата поранечни водачи на ОВК не извршиле никакви злосторства против човештвото, но дека се одговорни за воени злосторства со незаконско апсење на најмалку 385 лица.
Советот утврдил дека помеѓу април 1998 и јуни 1999 година, во 12 општини во Косово и еден округ во Албанија, членовите на ОВК презеле дејствија што довеле до убиство на 96 лица кои не учествувале активно во војната.
Пресудата е првостепена и обвинетите имаат право на жалба.Инаку, поддржувачи на ОВК од утринава беа собрани пред седиштето на Советот во Хаг, исчекувајќи ја првостепената пресува за четворицата поранешни команданти на ОВК – Хашим Тачи, Кадри Весели, Реџеп Селими и Јакуп Красниќи.
