(ВИДЕО) Погодено складиште за нафта во Русија, избувна голем пожар

“Украинските терористи се обиделе да нападнат објекти во градот Клинци, користејќи беспилотно летало. Беспилотното летало со фиксни крила било заглавено од системите за електронско војување на руското Министерство за одбрана. Меѓутоа, муницијата паднала врз складиштето за нафта во Клинци за време на уништување на воздушната цел“, напиша Богомаз на својот Телеграм.

„Според прелиминарните извештаи, нема жртви, но се запалиле резервоари со нафта“, додаде тој. Екипи на руското Министерство за вонредни ситуации излегле на местото и работат на санирање на штетите, јавува руската државна новинска агенција Тасс.

Инаку, руското Министерство за одбрана претходно објави дека украинско беспилотно летало е уништено над регионот околу 6:40 часот по московско време. На социјалните мрежи се појавија серија видеа на кои се гледа пламен и густ облак чад на погодената локација