Во САД одобрена вакцината против ковид-19 и за деца од шест месеци до пет години

Американските здравствени власти одобрија да се дава вакцина против ковид-19 на деца на возраст од шест месеци до пет години, последната возрасна група за која вакцината сè уште не беше одобрена. Вакцините кои се одобрени се оние на „Фајзер“ и „Модерна“.

„Знаеме дека милиони родители и старатели чекаат нивните деца да бидат вакцинирани, а со денешната одлука тој ќе може да го направи тоа“ изјави д-р Рошел Валенски, директор на Центарот за контрола и превенција на болести (ЦДЦ).

Советодавното тело на ЦДЦ нагласи дека вакцините им даваат заштита на малите деца од хоспитализација, смрт и можни долгорочни компликации.

Американската влада се подготвува да започне со давање вакцини за најмалите деца на почетокот на следната недела, а милиони дози се нарачани за дистрибуција до лекарите, болниците и здравствените клиники низ целата земја.

 

 

Back to top button
Close