Во живо: Убијци убијци нема да ви помине, скандираа пред парламентот учесниците не вечерашните протести

Со триминутен молк, положување цвеќе и палење свеќи за настраданите во Кочани, почна вечерашниот марш што го организира граѓанското движење „Кој е следен?“. Учесниците се собраа на плоштадот „Македонија“ од каде, преку „Триумфалната капија“, се упатуваат кон Собранито на Северна Македонија.

Тие скандираа “Доста беше смрт” Предвидено е граѓаните да се распоредат во паркот „Жена борец“, спроти Собранието и Градската болница. Оттаму, со петминутен аплауз, ќе им оддадат почит на здрваствените работници.

Маршот потоа треба да породлжи кон хотелот „Холидеј Ин“, да помине преку мостот „Филип Втори и преку булеварот „Гоце Делчев“ да пристигне до Владата каде ќе има собир, 16-минутен молк за загинатите и говори.

„Koj е следен?” во најавата за маршот напоменува дека е исклучиво против секаков вид насилство и провокации, а воедно се оградува и од каков било повик, скандиранье (говор на омраза) или однесуванье кое има за цел да го наруши јавниот ред и мир.

-Забранети се партиски обележја зашто протестот е граѓанска иницијатова и не смее да се партизира. Учесниците да ги почитуваат инструкциите на редарите, да избегнуваат секаков вид провокации, да не носат остри предмети, оружје, пиротехника и да не фрлаат отпад, наведуваат од „Koj е следен?”.

Додаваат и дека е забрането уништување на јавен и приватен имот.

Поради протестниот марш, од 19.00 часот е воведен посебен сообраќаен режим во централното градско подрачје. СВР Скопје апелира да се почитуваат наредбите кои ќе ги даваат полициските службеници.