Врховниот суд во Колорадо го дисквалификува Трамп од претседателската трка

Доналд Трамп не ги исполнува условите за претседателски кандидат во Колорадо според уставната клаузула за бунт, одлучи Врховниот суд во Колорадо.

Трамп е обвинет за поттикнување немири во зградата на американскиот Капитол во обид да го поништи резултатот по поразот на американските избори во 2020 година. Од кампањата на Трамп соопштија дека пресудата од Колорадо е „погрешна“ и дека ќе поднесат жалба до Врховниот суд на САД.

Тоа доаѓа откако судот во Колорадо, чии судии беа назначени од демократските гувернери, го отстрани Трамп од претседателската трка во државата.

„Бидејќи тој е дисквалификуван, би било незаконски според Изборниот законик државниот секретар на Колорадо да го наведе како кандидат на претседателските избори“, се наведува во пресудата.

Овој потег доведува дп веројатна пресметка во највисокиот суд во земјата за да се одлучи дали фаворит за републиканската номинација може да остане во трката.

„Мнозинството од судот утврди дека Трамп е дисквалификуван да ја врши функцијата претседател според Дел 3 од 14-тиот амандман“, напиша судот во својата одлука 4 спрема 3.