Зошто вчера кај Галичник не интервенираа авионите на Дирекцијата за заштита и спасување?

Центарот за управување со кризи во текот на вчерашниот ден детално информираше за преземените активности по алармот за запалената борова шума во близина на куќите над селото Галичник. Ја добивме информацијата дека армиските хелокоптери биле таму, но не можеле да интервенираат поради силниот ветер. Но, остана отворено прашањето каде беа „ер-тракторите“.

Дирекцијата за заштита и спасување поседува два „ер-трактори“, авиони за гаснење пожари.

Од Центарот за управување со кризи за Утрински весник  информирале дека била побарана интервенција на „ер-тракторите“, но не дале одговор од ДЗС зошто не полетале двата авиона за гаснење на пожари.

Во очекување на официјална информација, неофициално, авионите веќе подолг период се на сервис, па затоа немало никаков одговор на барањето за интервенција над Галичник.

Back to top button
Close