30 дена притвор за девојката која со кола повреди студентка на протестите во Нов Белград

Вишиот суд во Белград денеска и одреди притвор до 30 дена на девојката која со својот автомобил удри други девојка за време на студентските блокади во петокот во Нов Белград.

Судијата на претходна постапка од Вишиот суд одредил притвор за М.С.(25) од повеќе причини, вклучително и можноста за попречување на постапката преку влијание врз сведоци.

Причина за определување на притвор била наведена и „начинот на извршување и тежината на последиците од кривичното дело, кои доведоа до јавни немири кои можат да го загрозат непреченото и правично водење на кривичната постапка“.

Претходно, Вишото јавно обвинителство во Белград поведе истрага против М.С. (25) поради сомнение дека на 24 јануари при студентска блокада на улицата „Јуриј Гагарин“ со „несовесно насилничко однесување“ се обидела да им ги одземе животите на неколку лица. Во соопштението на својата веб-страница, ВЈО наведува дека во таа прилика девојката К.В. се здобила со „тешки телесни повреди опасни по живот“.