По средба со Зекири и Манчевски оди во самоизолација

Согласно препораките на епидемиолозите, поради средбата со мојот другар и колега Мухамед Зекири, во наредните девет дена ќе бидам во самоизолација, објави вечерва министерот Дамјан Манчевски.

„На средбата беа применувани здравствените протоколи, но сепак препораките на здравствените експерти се најважни и мора да ги почитуваме. На Муки и семејството им пожелувам брзо закрепнување. На сите други Ви посакувам добро здравје“, пишува Манчевски на Фејсбук.