ВМРО ДПМНЕ реагира- Крајно сме загрижени за психофизичката состојба на Арсовска, ќе се видиме на суд
Арсовска има должност, со оглед на тешките последици врз скопјани што се предизвикани од нејзината деструктивност и компулсивност, да ѝ достави на јавноста релевантен лекарски доказ од кој ќе се увиди дека таа е навистина психички здрава личност.
Сепак, имајќи ја предвид тежината на обвинувањата што ги искажа во интервјуто, независно од истакнатото, приморани сме да побараме тоа да го докаже во редовна постапка пред македонските судови. Истовремено, веруваме дека до тогаш јавноста и на писмено ќе се увери во вистинската психолошка состојба на оваа личност, се наведува во реакцијата на ВМРО-ДПМНЕ на интервјуто на градоначалничката на Скопје, Данела Арсовска во „Само интервју“ на Канал 5 ТВ.
