На 27 мај Вучиќ ќе даде оставка од претседателската функција во СНП

Српскиот претседател Александар Вучиќ за 27 мај годинава свика вонредна седница на Српската напредна партија (СНП).

Според информациите, тој на седницата ќе поднесе оставка од претседателската функција.

„Уште не знам кој ќе ме замени на чело на партијата, имам предвид тројца-четворица луѓе, но знам дека некои и ќе ја напуштат партијата“, изјави Вучиќ минатиот петок.

Александар Вучиќ е претседател на СНП од 2012 и оттогаш во два мандата беше премиер, а од 2017 и претседател на Србија.

Тој изјави дека ќе остане член на партијата, а напомена и дека веќе работи на формирањето на ново движење.

„Го формирам Народното движење за Србија, кое ќе биде пошироко од СНП и би сакал во него да вклучам и луѓе кои не се членови на партијата“, рече Вучиќ.