Мајка на ученик од училиштето во Белград: Убиен е омилениот чувар Драган, децата го обожаваа
Откако утрово се случи пукање во училиштето во Врачар во кое беше убиен чуварот, мајката на еден од учениците се огласи велејќи дека е убиен човекот што сите го сакале, пренесува српска „Нова“.

„Нашиот омилен чувар Драган е убиен. Децата го сакаа, како и сите ние“, вели потресената мајка на едно дете од училиштето.
Осум екипи на итната помош во моментов се пред училиштето „Владислав Рибникар“ каде утрово се случи престрелка во која едно лице загина, а неколкумина се ранети.






