РСЕ: ТИРЗ ќе дава 500.000 евра за канцелариска опрема и по 20.000 евра за кирија на стадион

Додека Технолошко индустриската развојна зона Скопје (ТИРЗ) на својата интернет страница нуди „симболична цена за закуп на земјиште и директна државна помош“ за инвеститорите, таа одлучи да плаќа за кирија иако се наоѓа во административни простории кои Владата и ги даде на трајно користење.

Радио Слободна Европа го има договорот склучен меѓу ТИРЗ и Акционерското друштво за изградба и стопанисување со станбен и деловен простор од значење на Републиката со кој се изнајмува простор за следните пет години.

Од канцелариите на Партизански одреди бр.2 во Центарот на Скопје со договорот е предвидено вработените во скопската подружница да се преселат под Источната трибина на Градскиот стадион „Тодор Проески“.
Радио Слободна Европа го има договорот склучен меѓу ТИРЗ и Акционерското друштво за изградба и стопанисување со станбен и деловен простор од значење на Републиката со кој се изнајмува простор за следните пет години.

Договорот е склучен на 23 јануари 2024 година, ќе се изнајмува простор од 2066 м2 во следните пет години со месечна кирија од 1 257 000 денари или повеќе од 20 илјади евра. Тоа значи дека за цел период ТИРЗ на државното акционерско друштво ќе исплати милион и двесте илјади евра закупнина.

Договор за закуп на деловен простор за Дирекција на ТИРЗ
Договор за закуп на деловен простор за Дирекција на ТИРЗ
„Потребата за простор произлегува од значително зголемениот обем на активности на Дирекцијата за ТИРЗ, имајќи предвид дека само обемот на договори за нови инвестиции надмина над 1 милијарда евра во последните 3 години“, се вели во изјавата од Деспотовски за РСЕ.

Инаку, Технолошките индустриски развојни зони (ТИРЗ) се формирани за да се создадат услови за инвестирања на домашни или странски, физички или правни лица. Мисијата како што пишуваат за себе на Дирекцијата за ТИРЗ е Северна Македонија да прерасне во меѓународен бизнис центар во Југоисточна Европа.

За тоа тие нудат инфраструктура во зоните со евтина и квалитетна услуга, а целта како што пишуваат е да се постигне рамномерен регионален развој во државата.

Вработени против преселбата под трибини

Дваесет и шестмина вработени во Дирекцијата на Партизански одреди бр.2 се потпишале дека се против и испратиле писмо до директорот Деспотовски и Управниот одбор на чие чело е претседателот Џелил Ахмед.

Салата каде се одржуваат владините седници
ВИДЕТЕ И ОВА:
Функционерите си ги намалија коефициентите, но не и платите
Тие се загрижени, но и незадоволни како што пишуваат во писмото дека новите простории не ги исполнуваат нормативите за безбедност при работа и дека намената на просторот е за спорт а не за администрација.

„Истиот простор во основните проекти за изведба е предвиден за сали за борачки вештини, фитнес сала, соблекувална за посетители и кафуле. Во закупената површина влегува и билетарата која е во функција на работата на стадионот, двата скалишни простори кои се заеднички за сите и се за евакуација на трибините, и заедничките технички простории. Се поставува прашањето, зошто овие заеднички простории влегуваат во закупената површина?“ пишуваат дел од вработените.

Тие навеле десеттина причини зошто овој простор не ги задоволува условите од Законот за безбедност и здравје при работа, и бараат да останат да работат во старите простории.

Во нив Дирекцијата работи од 2008 година кога е направена комплетна реконструкција и адаптација, велат вработените кои се потпишале на писмото. Уште еднаш потенцираат дека просторот во кој сега работат е на трајно користење без надомест.