(ФОТО) Убиениот кај Мавровка е В.Е., има и уапсени
Застреланиот човек кај трговскиот центар „Мавровка“ во Скопје, според првични и информации, е со иницијали В.Е.. Тој наводно со членови на семејството бил да заврши приватни обврски во близина, пренесе 360 Степени.
Во исчекување на официјалниот полициски извештај, очевидци велат дека напаѓачите пукале во жртвата, дека од неговиот автомобил одзеле предмети, меѓу кои и лаптоп-компјутер, а потоа побегнале.
„360 степени“ дознава дека најверојатно станува збор за тројца напаѓачи. Двајца се веќе уапсени.
За мотивите се спомнува облик на изнуда, иако истрагата се уште е во многу рана фаза.
360 степени беше на самото место на улицата меѓу стамбените згради и ТЦ „Мавровка“ веројатно петнаесеттина минути по настанот. Безживотното тело, покриено со специјална прекривка, лежеше на асвалтот. Неколку полицајци, за кои забележливо беше дека пристигнале неодамна, почнаа да го обезбедуваат местото, а во близина на телото имаше паркирано возило на Итната помош
