Погреб на папа традиционално е сложен процес, но папата Франциск неодамна ги одобрил плановите за поедноставување на целата процедура за неговиот погреб

Погребите на врховните поглавари на Римокатоличката црква, по традиција, вклучуваат три ковчези – направени од чемпрес, олово и даб, но папата Франциск избрал да биде погребан во едноставен дрвен ковчег обложен со цинк. Тој, исто така, ја укина традицијата за јавноста за поставување на телото на папата на подигната платформа – позната како катафалк – во базиликата Свети Петар, .

Наместо тоа, ожалостените ќе бидат повикани да му оддадат почит додека неговото тело е во ковчегот, со изваден капак. Франциско, исто така, ќе биде првиот папа по повеќе од еден век кој ќе биде погребан надвор од Ватикан – неговите посмртни останки ќе бидат положени во базиликата Света Марија Велика, една од четирите главни папски базилики во Рим, јави Би-Би-Си.

Претходно денеска Ватикан преку видео-објава објави дека папата Франциско почина на 88-годишна возраст.

Папата Франциско беше првиот латиноамерикански поглавар на Римокатоличката црква. Папата Франциско 266-ти поглавар на Римокатоличката црква, првиот неевропски папа од 8-ми век

Папата Франциско е 266-ти поглавар на Римокатоличката црква, односно бискуп на Рим од март 2013 година, откако неговиот претходник, папата Бенедикт Шеснаесетти, се повлече од функцијата.

Пред да биде избран за папа, тој беше кардинал, како и архиепископ на Буенос Аирес, и вообичаено беше забележано дека тој е првиот папа што доаѓа од неевропска земја од 8 век, првиот од Америка, јужната хемисфера, како и првиот папа од редот на Игнасио де Лојола, Исусовец, припадник на редот Дружба Исусова (Societas Jesu).

Папата Франциск е роден како Хозе Марио Бергољо во декември 1936 година во Флорес, дел од Буенос Аирес.

Неговиот татко, Марио Бергољо, бил имигрант, роден во Италија, во Пиемонт. Сметководител по професија, работел на железницата во Аргентина. Мајката Регина Сивори, Аргентинка со италијанско потекло, била домаќинка.

Имал двајца браќа и две сестри. Инаку, таткото ја напуштил Италија во 1929 година. Очигледно не од економски, туку од политички причини како противник на фашизмот. Хозе Марио Бергољо бил делумно образован од Салезијците, римокатолички ред.

Потоа посетува Средно техничко училиште. Работел неколку години како хемиски техничар во лабораторија, во одделот за храна.

Претходно, како чувар, дури и како обезбедување во ноќен клуб. Тој им се придружил на Исусовците во март 1958 година, откако се опоравил од тешката болест во која хируршки му бил отстранет дел од белите дробови. По пробниот период, тој стана полноправен член на редот во март 1960 година со вообичаената монашка посветеност.

Папата починал утрово во 7:35 часот.