Маск ги објави резултатите од тестот за дрога

Американскиот мултимилијардер Илон Маск ги објави резултатите од својот тест за дрога на социјалните мрежи X.

„LOL“, напиша Маск, споделувајќи фотографија од резултатите од тестот, кои покажаа дека е негативен на која било од тестираните дроги.

Потсетуваме дека The New York Times неодамна објави дека Маск земал значителни количини кетамин, екстази и халуциногени печурки за време на минатогодишната изборна кампања.

Маск, извршниот директор на X, Tesla и SpaceX, претходно јавно изјави дека користи мали дози на кетамин за борба против депресивните тенденции и дека тоа му помага да работи поефикасно. The New York Times ја базираше својата статија на приватни пораки и интервјуа со повеќе од 10 луѓе кои го познаваат Маск или работеле со него.The Wall Street Journal минатата година објави дека Маск повремено користел дроги во минатото. Некои членови на одборот на Tesla, неговата компанија за електрични возила, беа загрижени за неговата употреба на дроги, вклучително и „Амбиен“ за лекување на проблеми со спиењето