ВЛЕН до Арсовска: Дали бесправно изграден објект во Шутка му припаѓа на Илаз Лесковица – претседател на огранокот на ДУИ во Шуто Оризари
Соопштение на Влен,
Денес сме тука за да ја информираме јавноста и да ѝ поставиме неколку конкретни прашања на градоначалничката на Град Скопје, Данела Арсовска, во врска со градежните активности во Општина Шуто Оризари – прашања на кои граѓаните имаат целосно право да ги добијат одговорите.
Чие е оваа бесправно изградена зграда?
Дали објектот навистина му припаѓа на Илаз Лесковица, поранешен функционер на СДСМ, а сега претседател на огранокот на ДУИ во Шуто Оризари, ваш близок соработник и десна рака на вашиот политички партнер, Блерим Беџети?
На какво земјиште е изграден објектот – државно или приватно?
Бидејќи градоначалничката Данела Арсовска се обидува да манипулира со урбанистичките планови, јавно прашуваме: Дали овој објект постои во урбанистичките планови?
Дали Деталниот урбанистички план (ДУП) предвидува таков објект на оваа парцела?
Ако не, кој и кога издал дозвола за отстапување од планот? Дали вие сте вклучени?
Дали општината спровела инспекциски надзор?
Јавно прашуваме: Дали законите на Северна Македонија важат и во оваа општина или законите тука ги диктираат вашите пријатели Блерим Беџети и Илаз Лесковица?
Дали Градежниот инспекторат има издадено решение за уривање или забрана? Како е можно некој да се осмели да ги отстрани лентите поставени од државни институции на објектот и да продолжи со бесправната градба?
Почитувана градоначалничке Данела Арсовска, зошто молчите за урбанистичкиот хаос во општина Шуто Оризари? Дали можеби имате некаква поврзаност со овој објект?
Госпоѓо Арсовска, имате обврска да одговорите на сите овие прашања. Секое ваше молчење ќе се смета дека директно или индиректно сте вклучена во градежната империја на вашиот пријател Блерим Беџети и неговата десна рака Илаз Лесковица.
Коалицијата ВЛЕН ќе инсистира на:
– Итна акција на сите градежни инспекторати,
– Брза реакција од Финансиската полиција и откривање на скриениот имот на функционери од ДУИ,
– Започнување на кривична постапка за злоупотреба на службена должност и урбанистички криминал против Данела Арсовска,
– Објавување на сите локации во Скопје каде што компании или лица поврзани со Блерим Беџети и Илаз Лесковица градат или поседуваат објекти без дозвола.
Ако градоначалничката и надлежните институции продолжат да молчат, ќе ги искористиме сите правни и демократски механизми за заштита на интересот на граѓаните.
Ќе го запреме ширењето на бизнис империјата на Блерим Беџети и Илаз Лесковица, во која е вклучена и Данела Арсовска.
Овој и сите други предмети ќе ги поднесеме до Јавното обвинителство!
Граѓаните бараат одговори!
