Иранската делегација не доби американска виза за жрепката за СП2026
Американските власти одбија да им издадат визи на претседателот на Иранската фудбалска федерација, Мехди Таџ, на селекторот Амир Галеноеи и на седум други членови на иранската делегација за да присуствуваат на жрепката за Светското првенство кое идната година ќе се одржи во САД, Канада и Мексико.
Жрепката за групната фаза на Мундијалот 2026 ќе се одржи на 5 декември во Вашингтон, а иранската фудбалска репрезентација веќе обезбеди место на завршниот турнир.
Американскиот претседател Доналд Трамп воведе забрана за патување за граѓани на одредени земји, вклучувајќи го и Иран. Двете држави веќе 45 години немаат дипломатски односи.
Претставниците на Иранската фудбалска федерација се надеваат дека проблемот со визите ќе го реши претседателот на ФИФА, Џани Инфантино, кој им вети на почетокот на септември дека ќе интервенира во случај на проблеми со издавањето визи.
