Реал бара тренер за новата сезона

Реал Мадрид бара тренер кој ќе биде подготвен да ја преземе функцијата пред почетокот на следната сезона, јави денеска шпанското радио „Кадена СЕР“.

Оваа недела, раководството на 15-кратниот европски клупски шампион одржа неколку состаноци со потенцијални кандидати за тренерската позиција. Се очекува новиот тренер да почне со работа во клубот на лето, а Алваро Арбелоа ќе остане на чело на Кралскиот клуб барем до крајот на сезоната.

Пред неколку денови беше објавено дека Реал Мадрид и Арбелоа потпишале договор до крајот на сезоната 2026-27.

Доцна синоќа, Реал Мадрид загуби со 2-3 на гостински терен од второлигашот Албасете во осминафиналето од Купот на Шпанија.