„Падна“ првата оставка во новата техничка влада на Бугарија – се повлече вицепремиерот Цицелков

Службениот премиер Андреј Ѓуров денеска не кажува дали ќе назначи нов човек на таа вицепремиерска функција. Ѓуров вели дека стои зад својата одлука да го назначи, бидејќи ја имал потребната експертиза за функцијата, но не добил можност да ја докаже

„Кога го поканив Стоил Цицелков да биде вицепремиер за фер избори, се потпрев на неговата експертиза и искуството што го има во одржувањето избори. Јас немам пристап до судскиот регистар, не можам да проверам нешта што може да ги направи министерот за внатрешни работи, но верував дека секој што доаѓа во оваа функција има чиста совест. Денес ја преземам одговорноста. Гледам како луѓето го напаѓаат Цицелков, не го напаѓаат поради недостаток на искуство, јасно е каде е нападот – кон кабинетот и за одржување фер избори.“, рече техничкиот премиер на Бугарија