(ВИДЕО) Ирак е погоден од целосен прекин на електричната енергија – причините се непознати

Ирачкото Министерство за електрична енергија објави дека целата земја е погодена од целосен прекин на електричната енергија, без да ги наведе причините за ваквата состојба.

„Електроенергетската мрежа е целосно исклучена во сите ирачки провинции“,

објави Ирачката новинска агенција (ИНА).

Како што информира ИНА, се прават обиди да се утврди причината за прекинот на електричната енергија, а веќе е започната санација на електраните и далноводите.

Делови од земјата беа под постојани напади откако почнаа нападите меѓу Израел, САД и Иран.

Ирак почна да го намалува производството на нафта бидејќи резервоарите за складирање се полни.

Исто така, земјата е подготвена да го намали производството за околу три милиони барели дневно доколку продолжи кризата во Ормутскиот Теснец.