Нафтовод во рускиот град Приморск е оштетен во напад со украински дронови

– Дел од нафтовод во рускиот пристанишен град Приморск на Балтичкото Море е оштетен во напад со украински дронови, изјави гувернерот на Ленинградската област Александар Дрозденко во објава на апликацијата за пораки Телеграм.

Дрозденко рече дека никој не е повреден во нападот.

Протокот на нафта низ цевководот е запрен, а пожарот е безбедно изгаснат, додаде регионалниот гувернер.

Украина ги засили нападите врз руските пристаништа на Балтичкото Море во изминатиот месец.