Фудбалската репрезентација на Македонија доживеа уште еден пораз, трет во ова издание на Лигата на нации, откако загуби на Националната Арена Тодор Проески од Шкотска со 0-2. Боуви во шестата минута и МекГин од пенал во 70.минута беа стрелци на головите за Шкотите, а Македонија повторно не успеа да ја затресе противничката мрежа.

Селекторот Гоце Седлоски не беше задоволен од случувањата на теренот, па веќе во 30-та минута ги извади од игра Лука Станковски и Себастијан Ерера кои веројатно се почувствуваа понижени на јавна сцена.

Првото полувреме од фудбалскиот натпревар од Лигата на нациите меѓу Македонија и Шкотска ќе се памети по кучето кое се појави на теренот на стадионот во Скопје. Настанот ги изненади, но и ги насмеа фудбалските фанови.

Случката стана вирална на социјалните мрежи, а информации околу неа објавија и странските медиуми.