Во моментов во Србија се спрема огромна кражба, се изнесуваат многу пари во Македонија?

Во моментов во Србија се подготвува огромна кражба и се изнесуваат големи суми пари надвор од државата во Македонија, предупредува лидерот на Движењето за децентрализација на Србија, Драган Милиќ

Тој го повикува обвинителството веднаш да започне истрага и да ги спречи „криминалците да ја напуштат Србија“ со парите на граѓаните.

Докторот Милиќ, кој ја поддржува Студентската листа, преку видео на социјалните мрежи му порача на обвинителството да им ги одземе пасошите на бившите функционери, кои сакаат да избегаат од Србија по изборниот пораз.

Според него, целта на досегашните власти е да го испразнат буџетот за новата власт да не може да функционира.

„Тоа се случува поради две причини – овие криминалци да ги наполнат своите џебови и другата причина е да ги испразнат сите фондови за новата власт да нема средства за да може нормално да функционира – да исплаќа плати, пензии и особено да ги испразнат буџетите на јавните комунални претпријатија“, рече Милиќ.

Тој го повика обвинителството да ги спречи огромните трансакции кои тие ги прават во моментот.

Милиќ исто така апелираше до граѓаните да не го земаат законот во свои раце, да избегнуваат насилство, особено да ја избегнуваат Српската напредна партија, од која според Милиќ, сакаат да претстават дека студентите се насилни