Бесплатни стоматолошки прегледи за студентите на УКИМ
Стоматолошкиот факултет при Универзитетот „Св. Кирил и Методиј” во Скопје, во соработка со Факултетското студентско собрание на Стоматолошки факултет и Универзитетското студентско собрание на УКИМ, за првпат организира иницијатива со која на сите студенти на УКИМ им се нуди можност за бесплатни стоматолошки прегледи и интервенции.
„Оваа иницијатива има за цел да го унапреди студентското здравје и да им обезбеди пристап до квалитетна стоматолошка нега, под надзор на врвни професионалци“, велат од УСС.
Студентите ќе можат да добијат бесплатен стоматолошки преглед и соодветни третмани, вклучувајќи санација на кариес, чистење на забен камен и други интервенции. Пријавувањето се врши преку следниот линк: https://forms.gle/hhyqZr6hJQVKY3Hm9.
За дополнителни информации, можете да контактирате преку официјалните комуникациски канали на Стоматолошкиот факултет, Факултетското студентско собрание или Универзитетското студентско собрание на УКИМ.
