Дали летањето за 20 евра е минато? Се тврди дека има премногу евтини линии, а ова е главната причина зошто билетите ќе поскапат!

Француската влада предложи минимална единствена цена на авио билетите за сите компании, со цел да се елиминира можноста за евтини летови.

И Британците и Швајцарците се согласија дека веќе не е изводливо да се купуваат билети од 10 или 20 евра, а се оправдуваат со преголемиот број на вакви летови, кои ја загрозуваат животната средина.

Главниот уредник на специјализираниот аеродромски сајт Танго шест, Петар Војиновиќ вели дека одлуката за стандардизирање на минималната цена на авио билет не значи крај на евтините летови.

– Значи, има неколку категории на евтини летови. Оние ултра евтините, кои првенствено се врзуваат за промоции, како и во секоја деловна активност. Никогаш, дури ни во нискобуџетните авиокомпании, не добивате толку евтини летови како што се рекламираат, бидејќи тие се резервирани за мал процент од оние кои се најбрзи – изјави Војиновиќ во утринската програма на РТС.

Тој наведува и дека во Франција веќе се води дискусија за забрана на пократки летови во рамките на Франција, кои можат да се вршат со железница, во траење до два и пол часа.