Филипче смета дека се уште нема потреба од нови мерки. Ќе се решава од понеделник
Засега нема потреба од воведување нови мерки, но на почетокот од следната недела ќе се донесе и дефинитивен став по тоа прашање, рече министерот за здравство, Венко Филипче во одговор на новинарско прашање. Како што кажа тој, се следат бројките на новозаболени и засега болничките капацитети имаат слободни болнички места.

-Во случај на потреба не се исклучува воведувањето на нови мерки на целата држава, нагласи министерот Филипче.
По растот на бројот на новозаразени последниве денови, дури две општини, Неготино и Гевгелија побараа воведување полициски час на нивната териториија за да се стави вируот под контрола, но Филипче, вели дека за тоа засега нема потреба.
– Доколку се одлучи дека тоа може да има некаков ефект тогаш да, но засега во ниеден град нема потреба од полициски час – рече Филипче, при денешната посета на почеток на градежните работи на поликлиника во Општина Сарај.
Тој појасни дека во овој момент болничките капацитети не се загорзени. Место има, а се следи дали ќе продолжи трендот на раст.
– Но, на почетокот на следната недела ќе го кажеме ставот во однос на нови рестриктивни мерки – нагласи Филипче, кога треба да се состане Комисијата за заштита од заразни болести.






