Филипче, Спасовски, Битиќи и Царовска ќе бидат потпретседатели на СДСМ
За потпретседатели на СДСМ вечерва ќе бидат избрани Венко Филипче, Оливер Спасовски, Фатмир Битиќи и Мила Царовска, дознава „Фокус“ од високи партиски извори.
По изборот на новиот состав на Централниот одбор на денешниот Конгрес, вечерва Одборот ќе бира и Извршен одбор од чии редови за потпретседатели ќе бидат избрани горенаведените.
Потпретседателите се избираат на предлог на претседателот Зоран Заев.
Откако Заев освои убедлива поддрша на првите внатрепартиски избори тој најави дека ќе има тројца потпретседатели, но според информациите ќе бидат избрани четворица, колкушто максимум дозволува партискиот статут.
