Груби спектакуларно го најавува Ахмети на митингот во Чаир,за Меџити тоа е собир на „артанисти“

Првиот вицепремиер и најблизок соработник на лидерот на ДУИ, Али Ахмети на својот Фејсбук профил го најави присуството на Ахмети на митингот закажан за утре во Чаир.

Тој напиша дека сите чаирчани се на нозе и зборувале дека тој доаѓа и ќе оделе да го слушнат неговото обраќање.

-Ми недостигаше ваква мобилизација и еуфорија каква што се создава кога се очекува да дојде националниот лидер Али Ахмети. Ветувам невиден спектакл, особено за младите. Не пропуштајте го, зашто потоа ќе барате да слушнете од другите како беше да се биде дел од историскиот митинг од кој ќе се гради иднината, напиша Груби

Партијата и официјално го најави митингот во Чаир кај спортска сала Шабан Трстена со почеток во 19:00 часот.

ДУИ деновиве го промовираше слоганот „Да! Тој доаѓа“.

Пратеникот и потпретседател на ДУИ, Изет Меџити, кој е чаирец и е еден од предводниците на „огнената група“, утрешниот митинг го нарече собир на „артанисти“ и обвини дека заради масовност ќе се носат вработени во јавната администрација од повеќе места