Изгаснат пожарот во Бељаковце, ќе дежураат две противпожарни екипи

Пожарот во атарот на кумановското село Бељаковце е целосно изгаснат, информираше директорот на Центарот за управување со кризи, Стојанче Ангелов.

-Дежурни екипи на ТППЕ Куманово и Ранковце ќе останат на две позиции од кои ќе внимаваат да не дојде до повторна појава на оган, изјави Ангелов.

Пожарот го гаснеа трите ЕР трактори на Дирекцијата за заштита и спасување  вклучени беа и армискиот и полицискиот хеликоптер како и пожарникарите од неколку противпожарни единици, Куманово, Старо Нагоричане и Ранковце.

Пожарот избувна вчера после 16 часот.