Израелската опозиција размислува за директни избори за премиер

Партиите од израелскиот опозициски блок разгледуваат закон за воведување директни избори за премиер, одвоени од изборот на пратеници во Кнесетот, во обид да формираат малцинска влада без поддршка од арапските партии, јавуваат хебрејските медиуми.

Предлогот би им овозможил на граѓаните да избираат премиер независно од парламентот, што би можело да претставува излез од политичкиот ќорсокак по изборите во вторникот, на кои ниту блокот на премиерот Бенјамин Нетанјаху ниту неговите противници не освоија мнозинство во Кнесетот, објави „Тајмс оф Израел“.

Според предложениот систем, директно избран кандидат за премиер, во теорија, би можел да формира малцинска влада без претходно да обезбеди мнозинство во парламентот.

Нетанјаху даде сличен предлог по изборите во март 2021 година, кога не успеа да формира коалиција.

Меѓутоа, според Основниот закон, новата влада мора да ја добие довербата на Кнесетот со 120 места пред да ја преземе функцијата.

Воведувањето на директни избори за премиер затоа би барало промена на законот, што бара поддршка од најмалку 61 пратеник