Koвачевски: Грција нема да ни забрани увоз на мазут и јаглен

Договорено е Грција да обезбеди непречен извоз на мазут и јаглен како суровини за производство на електрична енергија во Македонија, соопшти денеска премиерот Димитар Ковачевски по средбата со шефот на грчката влада Киријакос Мицотакис во Атина, Грција.

– Снабдувањето со јаглен ќе се одвива непречено во четвртиот квартал од 2022 и во првиот квартал од 2023 во РЕК Битола и РЕК Осломеј. Ќе има непречено снабдување со мазут преку Грција, за непречено да функционира ТЕЦ Неготино. Веќе се јавуваат недостатоци на енергенси во Европа, па треба да обезбедиме непречено снабдување со овие суровини и да нема нивно ограничување при увозот – рече Ковачевски.

– Имаме постапки за набавка на овие суровини и тие се прават во континуитет. Грција има големи наоѓалишта на јаглен и компаниите во Грција и нашиот ЕСМ треба да направат анализа за подолгорочно снабдување и испорака во Северна Македонија – рече Ковачевски