Лавров ја предупреди Молдавија да не се заканува на руските мировници

epa10105512 Russian Foreign Affairs Minister Sergei Lavrov attends the ASEAN-US Ministerial Meeting at a hotel in Phnom Penh, Cambodia, 04 August 2022. Cambodia is hosting the 55th ASEAN Foreign Ministers’ Meeting (AMM) and related meetings from 31 July to 06 August 2022. EPA-EFE/KITH SEREY
Рускиот министер за надворешни работи Сергеј Лавров предупреди дека какви било дејства што му се закануваат на рускиот мировен контингент во молдавскиот сепаратистички регион Придњестровје ќе се гледа како напад врз Русија.

– Сите треба да бидат свесни дека секое дејствие што ги загрозува нашите војници ќе се смета во согласност со меѓународното право како напад врз Русија, рече Лавров во говорот во Московскиот државен институт за меѓународни односи.

Изјавата доведе до загриженост дека Приднестровје, кое граничи со Украина, може да биде вовлечено во руско-украинскиот конфликт, пишуваат дел од западните медиуми.

Русија таму распореди мировен контингент од крајот на тримесечната војна во 1992 година, кога Приднестровје се отцепи од контролата на молдавските власти. Таму руските сили имаат и големо складиште за муниција.

Во април, тензиите во Молдавија се зголемија по серијата експлозии во Придњестровје.

По говорот на Лавров, Кишињев побара објаснување од рускиот вршител на должноста.

„Ја потсетуваме Русија дека молдавското законодавство ги гарантира основните човекови права и слободи“, соопшти Министерството за надворешни работи на земјата.

Во јуни, лидерите од ЕУ се согласија на Молдавија да и доделат статус на земја-кандидат за членство во Унијата. Во тоа време, претседателот на Европскиот совет, Шарл Мишел, одлуката за доделување таков статус на Кишињев, како и на Киев, ја нарече „историски момент што претставува одлучувачки чекор на нивниот пат кон ЕУ“.

Сепак, Молдавија ќе треба да спроведе реформи во области како што се борбата против корупцијата и организираниот криминал и човековите права и владеењето на правото пред да може да се приклучи на ЕУ. Поранешната советска република поднесе барање за членство само неколку дена откако Русија ја нападна Украина на 24 февруари. Молдавија, која според Устав е неутрална, не бара влез во НАТО.

Back to top button
Close