Македонското и бугарското МВР на заеднички состанок за безбедно чествување на раѓањето на Гоце Делчев

27.01.2023 16:39
348 Читање помалку од 1м
Бугарските медиуми попладнево објавија дека тамошниот технички премиер Галаб Донев остварил телефонски разговор со македонскиот премиер Димитар Ковачевски. Двајцата разговарале за претстојното празнување на 151-годишнината од раѓањето на револуционерот Гоце Делчев и потребата истото да се одвива непречено и со сите преземени безбедносни мерки.

Во таа насока, во понеделник, на 30 јануари, бугарскиот вицепремиер и министер за внатрешни работи Иван Демерџиев и директорот на бугарската Државна агенција за национална безбедност (ДАНС) Пламен Тончев ќе остварат работна средба со своите колеги од Скопје на која ќе ги прецизираат заедничките активности за обезбедување мирна и безбедна средина за чествувањето на роденденот на Делчев.

-Премиерите Донев и Ковачевски разговараа и за придобивките од подлабоката соработка меѓу двете земји во областа на безбедноста, особено во случаите на криминални дејствија или закани врз граѓани на Република Македонија со бугарска самосвест.

Во разговорот, премиерот Донев повторно потсети на очекувањата од нашата земја, Република Македонија, да ги преземе неопходните активности за ставање крај на говорот на омраза и злосторствата, како и за почитување на правата на македонските Бугари, соопштиле од бугарската техничка влада.

Back to top button
Close