Медиумска посета на Шар Планина
– По повод 5 јуни Светскиот ден на животната средина, чие мото за 2021 година е „Обнова на екосистемите”, како и во очекување Собранието да гласа и да одлучи дали Шар Планина ќе биде прогласена за национален парк, Министерството за животна средина и просторно планирање во соработка со Канцеларијата на ОН и Европската програма за животна средина денеска и утре ќе спроведе теренска медиумска посета на идното заштитено подрачје.
Шар Планина e ризница на биодиверзитетот, дом на две третини од растителните видови во Северна Македонија, а доколку гласањето биде успешно, овој регион ќе го добие и едно од најголемите прекугранични заштитени подрачја во Европа.
Од МЖСПП потсетуваат дека одржувањето и подобрувањето на живеалиштата, вклучително и заштитените подрачја, можат да ја подобрат виталноста на природата која го одржува животот на Земјата.
