Нетанјаху изјави дека Иран ќе биде главна тема на утрешната средба со Трамп

Израелскиот премиер Бенјамин Нетанјаху, кој замина за Вашингтон, изјави дека утре ќе се сретне со американскиот претседател Доналд Трамп што ќе биде нивна прва средба во живо од почетокот на американско-израелскиот судир со Иран.

Тоа ќе биде осма средба на Нетанјаху со Трамп откако американскиот претседател се врати на должноста во вториот мандат, и прва од февруари, непосредно пред Израел и САД да почнат заедничка воздушна кампања против Иран.

– Во овие сложени времиња, мора да делувате со голема одлучност и голема мудрост. Ќе разговараме за сите прашања на дневниот ред, пред сè за Иран. Секако, нашата цел е да ја заштитиме нашата безбедност, а исто така и да го прошириме кругот на мирот околу нас – рече Нетанјаху во видеоизјава пред да замине на пат.

Израел не учествуваше во повеќедневното американско бомбардирање на Иран овој месец, кој одговори со гаѓање на американските бази во регионот.

Трамп ја суспендираше кампањата за време на викендот. Иран соопшти дека ќе ги прекине нападите сè додека трае американската пауза. Израел го предупреди Техеран дека каков било напад би предизвикал силен израелски одговор.