Одегард: Трофејот во Лигата на шампионите е нашиот голем сон

Клуб како Арсенал треба да игра на најголемите турнири и да се бори за најголемите трофеи. Тоа е нашиот голем сон и голема цел на сите, изјави капитенот на Арсенал, Мартин Одегард, пред вечерашниот дуел од Лигата на шампионите со Монако.

„Топџиите“ никогаш не освоиле европски трофеј во нивната славна историја, но Одегард верува дека тимот е подготвен да освои големи титули откако беше блиску до тоа во последните години, но не успеа да го стори тоа.

-Сите во тимот веруваат во она што го правиме. Играчи, персонал, навивачи – сите веруваме во тимот. Мораме да се движиме чекор по чекор, да работиме напорно, да се подобруваме. Оваа група играчи има огромен потенцијал. Ќе дадеме сè од себе секој ден и ќе видиме што ни носи тоа, но целта дефинитивно се големите трофеи, прокоментира Одегард.

Арсенал е на 10. место со 10 бода од пет натпревари и со победа над Монако денеска може да се пласира во првите 5 на табелата