Пакистан воведува задолжително носење маски, рекорден број на починати за еден ден
![](https://libertas.mk/wp-content/uploads/2020/05/pakistan-voveduva-zadolzhitelno-nose-e-maski-rekorden-bro-na-pochinati-za-eden-den.jpg)
Пакистанското Министерство за здравство соопшти дека носењето маски е задолжително на јавните места каде што има многу луѓе како што се џамии, пазари, трговски центри и јавен превоз.
Одлуката е донесена поради големиот број новозаразени во последните денови, додека во последните 24 часа се регистрирани 3.039 нови случаи.
Во текот на изминатиот ден во земјата починале 88 луѓе, што досега е најголем број на починати за еден ден.
Во Пакистан досега се потврдени 69.496 заразени со Ковид-19, а починале вкупно 1.483 луѓе.