Палестински власти: Петмина Палестинци убиени во Западниот брег

Петмина Палестинци загинаа во судири со израелските сили на северот на Западниот Брег, соопштија палестинските власти.
Палестинската новинска агенција Вафа јавува дека израелските сили извршиле рација во бегалскиот камп Ел Фара северно од Наблус, по што започнале судири. Има повредени, пренесува Тајмс оф Израел.
Претходно денеска, палестинското Министерство за здравство објави дека израелските сили убиле пет Палестинци за време на рација во близина на Тубас, град во окупираниот Западен Брег.
Канцеларијата на портпаролот на израелската војска соопшти дека го проверува извештајот.






