Пауел од ФЕД вели дека повисоките од очекуваните тарифи значат повисока инфлација и побавен раст

Новите царини воведени од претседателот Доналд Трамп се „поголеми од очекуваните“, и веројатно ќе има и економски последици, вклучувајќи повисока инфлација и побавен раст, нагласи синоќа шефот на ФЕД, Џером Пауел во забелешките кои укажаа на потенцијално тешкиот сет на одлуки кои претстојат за централната банка.

-Се соочуваме со многу неизвесна перспектива со зголемени ризици и од поголема невработеност и од повисока инфлација, поткопувајќи ги двата мандати на ФЕД за инфлација од два отсто и максимална вработеност, рече Пауел.

Пауел зборуваше додека глобалните пазари продолжија со слабеењето што избриша околу 10 отсто од главните американски берзански индекси откако Трамп во средата објави серија нови царини.

-Иако тарифите со голема веројатност ќе генерираат барем привремен пораст на инфлацијата, исто така е можно ефектите да бидат поупорни, рече Пауел.

„Наша обврска е да ги задржиме долгорочните инфлациски очекувања добро закотвени и да бидеме сигурни дека еднократното зголемување на нивото на цените нема да стане тековен проблем на инфлацијата“, рече тој.

Пауел рече дека улогата на Банката на федерални резерви не е да ги коментира политиките на администрацијата на Трамп, туку да реагира на тоа како тие би можеле да влијаат на економијата за која тој и неговите колеги пред само неколку недели зборуваа за пад на инфлацијата и ниска невработеност.