Пијан руски војник си го уништи ракетниот систем

Пијан руски војник го уништил во четвртокот ракетниот систем PVO S-400 откако се превртело возилото со кое управувал во рускиот регион Тула, известуваат локалните медиуми.

Станува збор за мобилен PVO систем кој е способен да сруши авиони, беспилотни летала и ракети, а има можност за одбрана од балистички проектили.

Рускиот медиум База кој редовно објавува информации за безбедносните проблеми во земјата, извести дека 33-годишниот руски војник кој го превртел системот PVO паднал на алкотестот, кој, пак, покажал дека бил во алкохолизирана состојба.

„Војникот изгубил контрола и камионот со ракетен систем се превртел во ендек“, пишува База и додава дека војникот завршил со скршеница на раката.

Возилото се движело во конвој со осум возила, но заостанувало зад колоната по што излетало од автопатот и се превртело. За среќа муницијата не била активирана.

Поради тоа што кочниците не му работеле, руските воени сили одлучиле да го остават возилото на местото на несреќата.