Пуџдемон поднесе тужба до ЕК против Шпанија

Адвокатскиот тим на поранешниот претседател на Каталонија, Карлес Пуџдемон денеска поднесе жалба до Европската комисија против Шпанија, наведувајќи „непочитување“ на пресудата на Судот на правдата на Европска Унија, со која се потврдува неговата амнестија во судењето за организирање на нелегалниот референдум за независност на Каталонија во 2017 година.

Жалбата е одговор на пресудата донесена пред два дена, во која државниот Ревизорски суд ги прашува Обвинителството и одбраната дали постои „можност“ 30 поранешни високи функционери на каталонската влада на кои им се суди, вклучувајќи го и Пуџдемон, да не бидат амнестирани за трошоците на судењето, доколку трошоците се платени од ЕУ.

Пуџдемон го обвини Ревизорскиот суд дека спроведува „опструктивна стратегија“.

– Во текот на повеќе од четири години постапка, откако истрагата беше завршена и постапката за пресудата беше затворена, никој – ниту обвинителите ниту самото тело – никогаш не тврдеше дека биле користени средства од ЕУ, а наредбата не идентификува никакви дополнителни елементи, се наведува во жалбата на Пуџдемон.

Поранешниот каталонски лидер, Пуџдемон е гонет во Шпанија по обвинение за бунт, проневера на јавни средства и непослушност кон државата, што произлегува од организирањето на нелегалниот референдум за независност на Каталонија во 2017 година