Раде Шербеџија и „Златни колодвор“ на први февруари во Скопје

„Златни колодвор“, оркестарот на хрватската легенда Раде Шербеџија доаѓа во Скопје на 1 февруари, 2025 година. Насловот на овој музички проект на Шербеџија е ,Због тебе, због себе, због других”, а во репертоарот се вклучени познати песни кои веќе го имаат освоено срцето на публиката како „Не дај се Инес“, „Мени се душо од тебе не растаје“, „Чекај ме“ и „Имам пјесму за тебе“.

Концертот ќе се одвива во Македонската филхармонија, а влезниците ќе бидат пуштени во продажба на 5 декември. Организатори на настанот се Авалон Продукција кои велат дека оркестарот ќе одржи само еден екслузивен концерт кај нас.