САД распишаа 20 милиони долари вредна потерница по ирански терорист кој нарачал убиство на Џон Болтон
Американскиот Стејт департмент распиша денеска потерница вредна 20 милиони долари за информации кои ќе доведат до апсење или осуда на Шахрам Пурсафи, познат и како Шахрам Пурсафи, Мехди Резаи и Шахин Пурбакш, член на Исламската револуционерна гарда на Иран.
Пурсафи, за кој се верува дека работи и за силите на Кудс, е обвинет за организација на обид за закажано убиство на Џон Болтон, поранешен советник за национална безбедност на САД,.
Од октомври 2021 до април 2022 година, Пурсафи, кој е лоциран во Иран, се обидел да ангажира криминалци во САД за да извршат убиство на Болтон во Вашингтон или Мериленд, за 300.000 долари. Наводно, Пурсафи обезбедил материјална поддршка и ресурси за да овозожи обид за убиство, кажувајќи му на потенцијалниот убиец – кој подоцна станал доверлив извор за американските истражители – дека по убиството на Болтон ќе му биде дадено да направи втор атентат, се вели во денешното соопштение.
На 5 август 2022 година, Министерството за правда на САД поднесе кривична пријава против Пурсафи за неговата улога во заговорот. Ако биде осуден, тој се соочува со до 10 години затвор и парична казна до 250.000 долари за користење меѓудржавни комуникациски средства за извршување убиство по нарачка, и до 15 години затвор и казна до 250.000 долари за обезбедување и обид за обезбедување материјална поддршка за транснационален заговор за убиство.
Пурсофи сè уште е во бегство во странство.
Министерството за финансии на САД го прогласи Пурсафи за „Глобален терорист“ според Извршната наредба 13224 на 1 јуни 2023 година, поради неговото учество во заговорот. Оваа одлука блокира каква било негова сопственост под јурисдикција на САД и забранува американските граѓани да имаат какви било трансакции со него.
Исламската револуционерна гардае прогласена за странска терористичка организација од страна на државниот секретар на САД, согласно Законот за имиграција и државјанство.
