Скокале од прозорци и виселе на климатизери – 29 загинати и 12 приведени за пожарот во Пекинг

Полицијата во Пекинг приведе 12 лица откако во пожар во болница во тој град загинаа најмалку 29 лица, главно пациенти. Пожарот, еден од најсмртоносните во последните години, избувна во болницата Ченгфенг во вторникот околу 13 часот по локално време.

Гневните и загрижени роднини неколку часа подоцна веднаш дошле во болница, дознавајќи за пожарот од локалните медиуми. „Поминаа седум или осум часа и никој не ми се јави“, изјавил еден од роднините за локалниот весник.

Спасените се префрлени на лекување во други болници.

Официјалните лица на прес-конференцијата во средата рекоа дека прелиминарната истрага покажува дека се појавиле искри при реновирање и запалиле боја што била складирана таму.

Меѓу приведените се директорот и заменик-директорот на болницата, како и раководителот на фирмата што ги надгледува работите.

На снимките објавени на социјалните мрежи се гледа како пациентите скокаат од прозорците за да избегаат додека од зградата извира густ чад. Некои дури виселе на надворешни климатизери додека чекале да бидат спасени.

Пожарникарите спасиле околу 70 луѓе и го изгаснале пожарот еден час откако пристигнале на местото на настанот, јавуваат локалните медиуми. Но, роднините на оние кои се лекувале во болницата биле бесни на раководството на таа здравствена установа.

Тие рекоа дека и осум часа подоцна, службениците на болницата не можеле да ги соопштат имињата на повредените и загинатите.„Само кажи ми дали пациентот е мртов или жив“, изјавил еден од роднините за локалните медиуми.

„Како може човек едноставно да исчезне? Ниту медицинските сестри, ниту лекарите не ги зедоа телефоните. Мојот постар братучед го нема телефонот со него“.Повеќето од пациентите во болницата биле постари луѓе, а некои биле подложени на операции за ампутација, што ги прави помалку мобилни, се вели во извештаите.

Корисниците на социјалните мрежи во Кина го критикуваа недостатокот на известување за инцидентот во вторникот.

„Она што е шокантно не е само загубата на животи, туку и ужасната тишина на медиумите кои беа обични набљудувачи на инцидентот.