Тачи за “Лајм”: Ако вашите партии немаат кауза, зачленете се во македонските партии!

Претседателот на ДПА, Мендух Тачи, во емисијата „Дијалог кај Лајми“ со Сефер Тахири, меѓу другото, зборуваше и за политичките и националните каузи на албанските политички партии.

Мендух Тачи: „Сакате да ја смените платформата? Па, подобро сменете го претседателот, зошто ја менувате платформата? Затоа што ова што го зборувам води кон уште еден заклучок, кој многумина немаат храброст да го кажат, но јас имам.

Слушајте, ако продолжи вака, јас им порачувам на Албанците: не губете време со албанските партии. Треба директно да станете членови на македонските партии.“

Сефер Тахири: „Како во 2016 година. Па, тоа веќе се случи, директно во СДСМ кај Заев. Еден дел, да…“

Мендух Тачи: „И во ВМРО сега. Тоа формално е власт. Затоа што остварувањето на тие интереси, да станеш министер, да станеш директор, денес се реализира многу подиректно и поефикасно преку македонските партии.

Ако ние, како што сакам да кажам, немаме кауза, немаме колективна платформа како народ, како нација, тогаш треба што побрзо да се интегрираме.

Глупаво е да губиме време. Залудно е. Треба да се интегрираме во повеќепартискиот систем на мнозинскиот, семоќен народ, кој ја формира власта и така натаму…“