Уапсен е полицаец во Република Српска, до смрт претепал 35-годишник во кафе бар

Во Требиње во Република Српска денеска е уапсен полицаецот Игор А. (28) од Прибој, кој е осомничен дека до смрт го претепал Еврин Ќелахметовиќ (35) во кафуле во тој град.

По Игор, кој е вработен како полицаец во Белград, се трагаше од неделата наутро кога по злосторството тој избега од државата.

По наредба на Вишиот суд во Ужице, утрово по него е распишана потерница.

Кобната ноќ, Игор А. во близина на кафе бар во центарот на Стари Прибој, со три тупаници во главата го удрил сограѓанинот Еврин Ќелахметовиќ (35). Од повредите, Ќелахметовиќ паднал и изгубил свест, а два часа подоцна починал во болницата во Прибој поради крварење на мозокот предизвикано од кинење на голем крвен сад.

…

Повеќе

Back to top button
Close