(ВИДЕО) Бајден му честиташе роденден на Трамп: Годините се само бројка
Американскиот претседател Џо Бајден (81) му посака денес на Доналд Трамп среќен 78 роденден.
„Честитка од еден старец до друг“, напиша Бајден во честитката објавена на социјалната мрежа Икс.
Честитката на Бајден е саркастична и во неа на Трамп му пишува дека „годините се само бројка“, што се однесува на бројните коментари на јавноста за нивната возраст.
Бајден во честитката вклучи и видео во кое ги споредува своите достигнувања со постапки и коментари на Трамп.
Бајден стана најстариот претседател на САД кога ја презема должноста на возраст од 78 години. Во ноември ќе наполни 82 години.
За време на собир во Лас Вегас за време на минатиот викенд, Трамп на своите поддржувачи им кажа дека проблемот не е тоа што Бајден е стар, туку што е неспособен.
