(ВИДЕО) Чудо во Непал – двајца работници преживеаја откако 9 дена беа заробени во тунел

Во голема спасувачка операција во Непал, двајца работници се извлечени живи од тунелот на хидроелектраната „Тришули 3А“, девет дена откако разорните поплави однесоа повеќе од 1.200 животи.

Nepal floods: Two workers rescued from Trishuli 3A tunnel after 10 days; search for others continues. pic.twitter.com/eKJPoxE0it

— News Arena India (@NewsArenaIndia) September 4, 2026

Властите соопштија дека првото спасено лице е Санџаја Шах, раководител на машинскиот погон во Непалската управа за електрична енергија (NEA). Суреш Раут, висок претставник на Управата кој се наоѓа на местото на спасувањето, изјави за Би-Би-Си дека спасувачите му обезбедувале кислород на Шах. Надлежните додаваат дека тој во моментов не може да зборува.

Шах со хеликоптер бил префрлен во Батар, северозападно од главниот град Катманду.

– Пресреќен сум, ја чекав оваа вест. Ова дава надеж дека и други ќе бидат спасени живи – изјави за Би-Би-Си колегата на Шах, Суреш Чаудари.

Второто спасено лице е Кабир Махарџан. Според властите, Махарџан „се насмевнал и изразил благодарност“ по спасувањето.

Како дел од големата спасувачка операција, инженерите пумпаат воздух во тунелите на хидроелектраните. Стотици од повеќе од 5.000 луѓе кои сè уште се водат како исчезнати се работници ангажирани во мрежата од тунели на градилиштата на хидроелектраните долж реката.

Во моментов се спроведуваат посебни спасувачки операции во уште околу шест тунели на хидроелектрани, каде што се стравува дека се заробени повеќе од 150 луѓе. Двете лица што досега се спасени беа извлечени од тунелот „Тришули 3А