(ВИДЕО) Дете во Сеута моли шпански војник да не го враќаат во Мароко
Откако десетици илјади мигранти преминаа од Мароко во шпанската енклава Сеута, повеќето од нив се вратија во својата земја, но голем број деца и млади останаа во Шпанија без родители и соодветна грижа, објави „Индипендент“.
⛔️ “Please, uncle, I’ll kiss your head”.. A Moroccan child cries to a Spanish officer in Ceuta.. for not being returned home with the migrants who were deported‼️
⛔️What are the reasons that made a young child cry for not returning to his homeland? The answer is a corrupt… pic.twitter.com/FzYyasXT7b
— Dr.Sam Youssef Ph.D.,Ph.D.,DPT. (@drhossamsamy65) August 4, 2026
Шпанските медиуми снимија шокантни сцени од улиците, вклучувајќи го и моментот кога војник го придружува 12-годишното дете без придружба кон границата, додека тоа се обидува да го спречи неговото враќање во Мароко во солзи.
-Те молам, ќе ти ја бакнам главата, не ме враќај назад – низ солзи му вели детето на војникот.
Како што известуваат медиумите, тоа бил предаден на Шпанската цивилна гарда, бидејќи според законот, малолетниците без придружба треба да бидат заштитени.
Се проценува дека околу 1.000 малолетници сè уште се во Сеута.
Едно 17-годишно девојче изјави за „Асошиејтед прес“ дека гледала како нејзиниот осумгодишен брат се дави.
Таа била одвоена од нејзината мајка и оттогаш проси по улиците на Сеута.
-Видов луѓе како газат по мртви. Сега сме деца што просат на улица – рече таа преку преведувач бидејќи не зборува шпански.
Шпанскиот министер за внатрешни работи, Фернандо Гранде-Марласка, денеска презентираше нова проценка за бројот на мигранти што влегле во Сеута минатата недела, велејќи дека вкупно околу 72.000 луѓе ја преминале границата. Од тој број, рече тој, 70.000 се вратиле.
Локалниот службеник Алехандро Рамирез, сепак, рече дека е невозможно да се знае точниот број, проценувајќи дека помеѓу 3.000 и 5.000 луѓе останале во градот.
Шпанскиот министер рече дека 75 лица загинале, претежно во водата, за време на преминувањето.
